Arabic Stand up Comedy Bonn عرض طوائف النينجا

Das sagt der/die Veranstalter:in:

إلى جميع السوريين والسوريات في دولة ألمانيا الشقيقة
بعد القيل والقال واللتي واللتيها ومحادثات كثيرة مع حبيبي آكت الله يعطيهن العافية
و بعد اجتماع جميع فسيفساءات الوطن، فسيفسة فسيفسة، على طاولة واحدة، اقترح المعلم في هذه الدولة
أن نقوم بعرض في هذه الأوقات العظيمة حتى نطرح بعض المواضيع على الطاولة
تم تطبيق اللوحة الفسيفسائية، واعتمدنا القيام بجولة في أوروبا الشرقية
ونشوف إذا منطلع منها عايشين ولا رح يتم تحويلنا على ساحة المرجة
وإذا قدرنا، رح نكمل في أوروبا الغربية ودول أخرى كمان

: وننوّه من هلق

بما إنو صرنا ببلد حر، وبما إنو زيلينسكي كان كوميديان وصار رئيس
ولا واحد من طوائف النينجا ناوي يرشّح حاله للرئاسة
"we bombed"…لأنو لما الكوميديان بيفشل بالإنجليزي بيقول
 وبما إننا عايشين بأوروبا… فـمو ناقصنا تشابه أسماء ولا بدنا ننسئل وين كنا من 14 سنة
كلشي طالبينه انو نضحك على بعض سوا وهيك منعرف انو منحسن نعيش سوا
 

مفاجاة هذا العرض انو في بعد العرض 
Afterparty with El Shado – featuring Arak (عندنا عرق)

طوائف النينجا هو عرض بيجمع خمسة شباب سوريين من جميع مكونات هذا الوطن، حتى نضحك على بعض، ونشوف إذا الضحك هو علاج… ولا داء

 

السلحوف اسامة حموي من مدينة اللاذقية 
يحب السباحة وماله لا بالرماية ولا ركوب الخيل
من احد صفاته انو طويل خزيت العين طول الحورة
بشجع ريال مدريد وبيكره جمهور الارسنال
 

السلحوف احمد الكردي من حماه او ما يعرف عنها مدينة الاخوان
لا يحب السباحة وخصوصا بالبحر لكنه بارع في ركوب الخيل
اقصر من اسامة بشوي بالطول بس انفه كبير خزيت العين
بشجع الارسنال لهيك اسامه بيكرهو هي الفترة
 

السلحوف روبين من مدينة السويداء او كما يطلق عليها مدينة الجبل
ما عندو بحر يسبح فيه بس اكيد لازم يكون بارع بالرماية وركوب الخيل
هادء محب واول مرة حكا نكتة بالانكليزي كانت عن الانفاق 
ماله مصلحة يتابع رياضة هل ايام لانو عم يدرس بالمانيا
 

السلحوف آرام السعد من ريف حمص أو ريف دمشق أو دمشق أو حمص أو يمكن حتى حماه… بس ليس من حماه أكيد!
لا يركب الخيل.. من الممكن أن يسبح، بس غالباً بيرسم
كفنان، مانو رياضي.. فما بيدخل بعراكات ميسي ولا رونالدو.. بيقول هالأرجنتيني وهالبرازيلي بيلعبو منيح
 

السلحوف يزن ملحم من ميدنة مصياف الابية لهيك لابس جاكيت
المعلومات عن مهارته بركوب الخيل غير متوفرة لانو ما منشوفو كتير
ما بشجع الارسنال بس بيوقف على المسرح كتير لانو ممثل مسرحي
من كتر مو لعبان شكسبير لما سالنا يجي معني عالعرض قال اكون او لا اكون تلك هي المشكلة

عم نستناكن بالعرض تعوا وخلونا نضحك على بعض